Þá hef ég séð Death Metal goðsagnirnar

Ég er nýkominn heim af tónleikum Death Metal goðsagnanna Cannibal
Corpse. Það var snilld að fylgjast  með moshpittinum (fyrir þá sem
ekki vita hvað moshpittur er, Þá er það þegar það myndast hringur og
allt er vitlaust, allir að ýta öllum), það var einhver risavaxinn gaur
þarna sem þeytti öllum burt. Það var hellingur af gaurum að fara
vankaðir út. Einn gaur kom með vin sinn í fanginu, og þegar hann gekk
framhjá heyrði maður vankaða gaurinn segja: ekki út, ekki út. Þau bönd
sem spiluðu voru: Severed Crotch ( upphitunarband 1), Momentum
(upphitunarband 2), Forgarðar Helvítis (upphitunarband 3) og að lokum
spiluðu goðsagnirnar. Ég kalla þessa menn goðsagnir af því að þeir voru
frumkvöðlar að grind/tekníska death metalinum. En jæja, þá nenni ég nú
ekki meira, þar sem ég þarf að æfa mig á gítarinn, og horfa á mynd, og
það þarf að gerast áður en að klukkan er orðin 3, þannig að nú bind ég
enda.

Athugasemdir

[Vignir, 2.7.2007 kl. 00:33]

Gaman að þú skulir hafa skemmt þér vel á tónleikunum. Moshpitturinn er ekki eitthvað sem að ég mundi leggja á mig að fara í og koma kannski með eins og eitt vænt glóðurauga til baka :) En hvernar kemur 5 þátturinn ?

[Jens Guð, 2.7.2007 kl. 00:56]

  Ég var hálfvolgur fyrir að fara á þessa hljómleika.  Mér þykir þessi hljómsveit dálítið stöðnuð.  En samt stöðnuð á góðum stað.  Ég kann vel við plötur hennar.  Textarnir eru töluvert rembingslegir í þá átt að vera stuðandi.  Mér þykir það meira hallærislegt en flott.  En þeir búa líka í Tampa á Florida.  Ég hef verið þar og veit hvernig stemmningin er í senunni. Maður finnur ekki gáfaðasta fólk jarðkringlunnar í Tampa.

  Þar fyrir utan er ég á sextugsaldri og upplifi mig dálítið eins og risaeðlu á svona hljómleikum.  Siggi pönk í Forgarðinum sagði eitt sinn við mig að hann væri mikið búinn að velta fyrir sér hver þessi gamli maður væri sem dúkkaði alltaf upp á harðkjarnatónleikum.  En mér þykir Forgarðurinn svo svakalega skemmtileg hljómsveit að ég reyni að heyra í honum sem oftast.

  Viðar J. Ingólfsson,  pabbi Andra Freys á ReykjavíkFM og Birkis í I Adapt,  hvatti mig á föstudaginn til að tékka á Momentum.  Við Viðar vorum fyrir 30ogeitthvað árum saman í hljómsveit sem hét Frostmark.  Viðar segir þetta vera eina flottustu hljómsveitina í dag.  Hann er með upptökur með Momentum sem hann ætlar að skrifa fyrir mig.   

[Guðríður Pétursdóttir, 2.7.2007 kl. 05:19]

haha risaeðlu

[Rúna Guðfinnsdóttir, 2.7.2007 kl. 14:27]

Síung Jens...við erum síung..ekki halda annað. Einu tónleikarnir sem ég hef farið á fyrir utan klassíska..er með Slade þegar ég var 14 eða 15 ára. Það var upplifun og voða gaman.

[Rúna Guðfinnsdóttir, 2.7.2007 kl. 19:40]

Vigni, fimmti þátturinn kemur annaðhvort í kvöld eða á morgun.

[Snorri Þorvaldsson, 2.7.2007 kl. 19:42]

Vúpps! ég var innskráður sem mamma þegar ég kommentaði! Ekki í fyrsta sinn sem það gerist. En já, Vignir, fimmti þáttur kemur í kvöld eða á morgun