Snorri Þorvaldsson

29.5.2008 | 18:48

Svakalegur jarðskjálfti

Um klukkan 16:00 í dag varð svakalegur jarðskjálfti, eins og flestir ættu að vita. Skjálftinn byrjaði undir Ingólfsfjalli, og þar sem ég er nú staðsettur mjög nálægt Selfoss, var jarðskjálftinn svakalegur hérna. Ég var hjá vini mínum, og við sátum bara í rólegheitunum og síðan byrjaði allt að hristast. Maður gat bókstaflega séð veggina hreyfast! Þegar skjálftanum lauk fórum við út úr herberginu og þá var allt í rúst. Styttur, myndir og allt sem gat dottið á gólfið, var á gólfinu. Og ljósakróna á milljón fram og aftur. Ég þaut heim til að tékka á ástandinu þar, og það var bara eins, allt á gólfinu. Jarðskjálftinn var um það bil 6.3 á richter, og hann var sterkari en skjálftarnir árið 2000 en það var af því að þessi skjálfti var nær heldur en árið 2000. Ég og mamma fórum til ömmu til að tékka á henni, því hún er svo hrædd við jarðskjálfta. Það var nú ekki eins slæmt og maður hefði haldið, en samt var allt í rúst. Það er búist við öðrum skjálfta með svipuðum krafti, en ég vona bara svo sannalega að hann verði ekki.

Flokkur: Bloggar | Facebook

Athugasemdir

Já það ætla ég að vona. Ég fann töluverðan skjálfta hérna og varð nokkuð hrædd, get ekki ímyndað mér hvernig þetta hefur verið.. ég man vel eftir skjálftanum árið 2000.. hann var horror líka

Guðríður Pétursdóttir, 29.5.2008 kl. 19:17

þessi skjálfti var miklu verri fyrir okkur heldur en árið 2000 segir mamma. Þessi skjálfti var langtum nær, og þar af leiðandi meiri kraftur í honum hérna heldur en árið 2000. Þetta var svakalegt sko, búnir síðan að vera eftirskjálftar í allan gærdag, bara frá því að skjálftinn gerðist. Ég er nú ekki búinn að verða var við neina eftirskjálfta í morgun, er sko heima af því að það var enginn skóli út af skjálftanum.

Snorri Þorvaldsson, 30.5.2008 kl. 07:51