Hið alræmda Blingó-dýr

Hið alræmda Blingó-dýr lifir í regnskógum Afríku og heldur sig við vötn. Dýr þetta er tvífætt og einnig má þess geta að dýrið er rándýr. Oftast er það svart en það getur líka verið brúnleitt. Menn hafa oft orðið dýri þessu að bráð, og frumbyggjar afríku kölluðu það illan anda. Aldrei hefur neinn sloppið lifandi út úr regnskógum Afríku með myndir af þessu dýri. fyrir nokkrum árum komust vísindamenn á snoðir um hugsanlegt blingóabýli þétt inni í regnskógi í Afríku. Vísindamennirnir fundu staðinn, þar voru nokkur bein og hauskúpur. Vísindamennirnir voru allir étnir nema einn. En þegar hann kom var hann orðinn að geðsjúklingi og enginn trúði honum. Dýrið er stærra en hundur, en er aðeins minna en asni. Það hefur stórar klær. Dýr þetta hefur margar stórar og flugbeittar tennur.

Dýr þetta er aðeins til í mínum hugsunum, og tókst mér að plata Hörð frænda minn og mömmu í dýraleiknum áðan. Dýraleikurinn gengur út á það að einn velur sér dýr, og hinir spyrja spurninga og reyna að finna út hvaða dýr hinn hefur valið sér. Ég ákvað að velja hið alræmda Blingó-dýr, og sagði þeim að spyrja. Eftir góða stund kom út að það lifði ekki á Íslandi, að það væri stærra en hundur og minna en asni, væri tvífætt, og væri rándýr, og væri oftast svart en stundum brúnleitt, og að dýrið lifði í skógum og héldi sig við vötn, og á endanum gáfust þau upp og ég sagði þeim að þetta væri hið alræmda Blingó-dýr Alveg var það ótrúlegt hvað ég náði að plata þau!

Nýtt blogg!!!

Jæja, það er kominn góður tími síðan ég bloggaði síðast. Í millitíðinni hef ég verið í prófum í skólanum og svoleiðis. Ég er samt ekki búinn að fá út úr neinum prófum. Ég er byrjaður í tónlistarskólanum, ég nefnilega sótti um einhvern tímann fyrir langa löngu, og það datt einhver nemandi út og það var laust pláss. Það byrjar svosem voða rólega. Búinn að fara í einn tíma, og það var ekkert erfitt. Í staðinn fyrir tímann í síðustu viku var einhvað trommunámskeið, og eftir miklar hugleiðingar tók ég þá ákvörðun að fara bara ekkert í það. Ég nefnilega hef engan áhuga á trommum. Eina hljóðfærið sem ég nenni að hafa fyrir því að læra á er gítar. Það átti að vera tími í dag, en það vildi svo til að ég er veikur, þannig að ég mætti ekki í hann. Ég er bara búinn að sitja fyrir framan imbakassann í dag, horfði á fjórar spólur af Friends. Ég er búinn að bæta einu tungumáli við í skólanum. Það mun vera spænska, ég er ekki kominn með neinar bækur nema bara orðabók. Það eina sem ég man er buenas noches sem þýðir góða nótt, adios sem þýðir bless, buenos dias sem þýðir góðan dag og uno, dos, tres, cuatro, cinco, sem þýðir einn, tveir, þrír, fjórir, fimm.

Ný talva á heimilinu!

Ég var að kaupa mér playstation 3 um helgina. Var búinn að safna peningnum heillengi og keypti mér tölvuna fyrir. Ég keypti mér leikinn Assassin's Creed, sem er geðveikur og svo er ég bara búinn að ná í slatta af demóum.

gleðilegt nýtt ár!!!

gleðilegt nýtt ár!!!!!!!

Afmæli

í dag er 13 ára afmælið mitt. Ég var bara svona að tilkynna það.

önnur mynd

hér er önnur mynd sem ég teiknaði í paint forritinu.

 

klikkið á myndina

 Þetta er Gibson SG.

smá mynd

ég ákvað að skella inn mynd sem ég teiknaði í paint forritinu og mér finnst hún koma nokkuð vel út.

 

klikkið bara á myndina.

Langur tími er liðinn síðan síðast...

Eins og titillinn góði á þessu bloggi lýsir, þá er langur tími síðan ég bloggaði síðast. Ástæðan fyrir því er bara alveg einstakt letilíf. En ég ákvað að skella inn hressilegu bloggi fyrst ég hef tímann. Ég var vakinn af pabba klukkan 7 í morgun fyrir skólann. Ég fékk ekki einnar sekúndu frið því að hann var alltaf að ýta við mér og segja: ,,vaknaðu, rístu upp, vaknaðu, vaknaðu, vaknaðu". Ég var orðinn nokkuð pirraður þannig ég fór framúr rúminu með miklum leiðindum. Ég fékk mér að borða og svo lagði ég í hann. Pabbi skutlaði mér í skólann og það var skítakuldi úti. Fyrsti tíminn var enska, og svo tók við mikið af erfiðri og leiðinlegri stærðfræði. Ég var í tvo tíma í stærðfræðinni, svo fór ég inn í skóla og át hádegismat, svo fór ég inn í stofu, og viti menn! meiri stærðfræði! Eftir alla þessa lifandis óskapa stærðfræði fór ég í tónmennt. Ég afrekaði ekki mikið í þeim tíma. En það var af því að það var horft á mynd. Svo var ekki danska í enda dagsins þannig ég fékk að fara fyrr heim. Klukkan tvö fór ég í fermingarfræðsluna og var kominn heim rúmlega þrjú. En nú er ég að pæla í því að skella inn síðasta þættinum í sögunni um hann Badda. Hann verður ekkert langur, bara svona smá endir.

 

Baddi var sem betur fer ekki dauður. Hann stóð upp og flaug til djöfsa. Baddi potaði í augun á honum, og djöfsinn öskraði. Baddi sótti sér vélbyssu og dritaði á hann. Djöfsi var ekki sáttur og barði Badda. Baddi hentist á hús og braut niður vegginn. Þetta var elliheimili, og fullt af fólki fékk hjartaáfall því að því brá svo þegar baddi skaust inn um vegginn. Baddi hoppaði út og kastaði steinum í djöfsa. Baddi reif upp fánastöng og byrjaði að berja djöfsa með henni. Djöfsi var orðinn mjög pirraður og greip í Badda. Hann fleygði honum burt. Baddi lenti í sjónum. Baddi synti í land og lenti á hnakkanum á djöfsa. Baddi tók upp lítinn hníf úr beltinu sínu og stakk í hnakkann á djöfsa. Djöfsi öskraði ógurlega og Baddi datt niður. Baddi lenti á hausnum og rotaðist. Þegar hann vaknaði var hann í einhverjum pínulitlum klefa sem hann rétt komst fyrir í. Baddi náði að brjótast út úr klefanum. Hann sá djöfsa rétt hjá. Baddi kastaði hníf í löppina á honum. Djöfsi leit við. Baddi flaug og lenti á hausnum á djöfsa. Baddi stakk öllum hnífunum sem hann var með í hausinn á honum. Djöfsi datt niður, steindauður. Baddi var skipaður forseti, og hann lét byggja styttu af sjálfum sér. Eftir tvo mánuði með Badda í forsetaembættinu, var fólk farið að hata hann. Baddi var orðinn brjálaður af völdum, og gerði fólk að þrælum sínum og gerði stríð um allan heim. Hann lét byggja nákvæma eftirlíkingu af hvíta húsinu, og Baddi hélt sig innandyra, því annars var hann eltur af fréttamönnum. Að lokum kom þó að þeim degi að Baddi þurfti að fara út. Það var allur matur búinn í húsinu og Baddi ætlaði að rölta niður í verslun sem var rétt hjá. Baddi opnaði dyrnar og fékk ofbirtu í augun. Um leið og Baddi steig út fyrir dyrnar kom fréttamannaflóð. Einhver gaur kom hlaupandi með risastóra vélbyssu og öskraði: ,,Ég skal hjálpa þér!!!!". Gaurinn dritaði á hópinn með lokuð augu. Þegar hann hætti að skjóta opnaði hann augun og sá að hann hafði skotið allan hópinn niður. Líka Badda. Stuttu eftir dauða Badda, var opnað nýtt safn. Í því safni var meðal annars herbergi sem hét: "verstu menn veraldar", og svo var númer 1, númer 2, og svo framvegis. Númer 1 var að sjálfsögðu hann Baddi.

 

THE END.

Nú er þessi saga búin. Þetta er kannski ekkert sérstakur endir en þetta er þó endir. Sagan er betri svona heldur en ókláruð. Mér bara datt eiginlega ekkert meira í hug til að láta gerast í þessari steypusögu. Nennti heldur ekki að skrifa hana lengur. En nú er hún búin og ég er kátur með það. Ég held nú að ég segi þetta bara gott í bili. Þetta blogg er búið að taka mig slatta tíma þótt ótrúlegt sé. Var ekkert að leggja mig sérstaklega fram við þetta. En nú set ég síðasta punktinn. 

18. þáttur

Baddi varð skíthræddur við Jósafat. Jósafat gekk til Badda og tók hann upp. Jósafat barði Badda með stafnum. Baddi meiddi sig rosalega. Jósafat fleygði Badda út fyrir eldhringinn. Baddi skall í jörðina. Hann stóð strax á fætur. Hann flaug aftur inn í hringinn og barði Jósafat. Jósafat missti stafinn sinn. Baddi greip hann og stakk honum í andlitið á Jósafat. Jósafat öskraði ógurlega. Hann reif stafinn úr andlitinu og stakk honum í gegnum Badda. Jósafat lyfti stafnum, og Baddi hékk á endanum. Jósafat stakk stafnum í gegnum tré. Nú var Baddi fastur. Jósafat hló tryllingslega og flaug burt. Baddi hékk smástund á stafnum, en þegar hann ætlaði að rífa stafinn úr sér, þá gat hann það ekki. Skyndilega hrundi Baddi niður og varð að vatni. Hann varð venjulegur aftur. Baddi var alveg undrandi á þessu. Hann flaug til borgarinnar og beið eftir Jósafat og geimverunum.  Einum klukkutíma síðar komu þúsundir geimskipa og byrjuðu að skjóta allt niður. Jósafat lét hinsvegar ekki sjá sig. Baddi byrjaði að sprengja geimskip. Hann flaug upp á eitt. Eina leiðin sem var möguleg, var að fara inn í gegnum eitthvað rör sem stóð út úr geimskipinu. Baddi lét sig verða að vatni og fór í gegn. Geimveran inn í geimskipinu grunaði ekki neitt, og Baddi læddist aftan að honum og kramdi á henni hausinn. Baddi settist við stýrið og byrjaði að skjóta hin geimskipin niður. Brátt var helmingurinn af þeim horfinn. Gabríel varð fyrir skoti og geimskipið vasr að hrapa. Baddi fór aftur upp um rörið, og stökk yfir á næsta. Hann braut rúðuna og kippti geimverunni út.

 

Baddi var að komast inn í geimskipið þegar hann varð fyrir skoti í bakið. Baddi kastaðist af geimskipinu. Þegar Baddi lenti á jörðinni, brotnaði malbikið undan honum og hann sökk ofan í jörðina. Baddi var næstum því dauður. Hann skreið upp úr holunni. Það voru aðeins tíu geimskip eftir. Baddi flaug upp á eitt. Hann braut rúðuna og kippti geimverunni út. Hann settist inn í geimskipið og flaug á annað geimskip. Rétt áður en þau skullu saman, hoppaði Baddi út og lenti á næsta. Svona hélt hann áfram þangað til þau voru öll hrunin. Baddi leit niður á jörðina. Þá sá hann kunnuglegann mann. Þetta var Jósafat. ,,Ófétið,, sagði Baddi og flaug til hans. Hann greip í peysuna hans og flaug með hann upp á hús. Jósafat breytti sér yfir í djöful og barði Badda. Baddi skaust 150 metra afturábak. Jósafat var núna 140 metra hár. Rétt áður en að Baddi lenti í jörðinni, breytti hann sér í vatn. Þegar hann lenti, splassaðist hann. Hann breytti sér aftur og sá Jósafat skammt undan. Baddi var skíthræddur við hann. Baddi gat ekki mögulega sigrað hann. Jósafat greip Badda og negldi honum á byggingu. Baddi lenti á veggnum í 300 metra hæð. Baddi rotaðist um leið og hann skall á veggnum. Hann byrjaði að falla niður. Baddi lenti, og braut næstum öll beinin í líkamanum. Hann var rotaður, eða það sem mun líklegra var, dauður.

Er Baddi dauður? Ef hann lifir, hvernig stoppar hann Djöfsann?

Næsti þáttur verður líklega síðasti þátturinn, þannig hann verður svolítið langur örugglega, og hann mun geyma svörin við þessum spurningum! 

17. þáttur

 Ath!. Þetta er mjög langur kafli, vonandi nennið þið að lesa hann...

Baddi kýldi Jósafat og hljóp af stað. Þegar Jósafat stóð upp var Baddi alveg að komast að spítaladyrunum. Jósafat flaug af stað. Baddi rétt slapp inn um dyrnar og skellti þeim á eftir sér. Jósafat skall á dyrnar og meiddi sig í nefinu. Baddi hljóp í móttökuna. Honum var strax reddað lækni og var hann rannsakaður bak og fyrir. Baddi var lagður inn á spítalann, og þar átti hann að dveljast 5 daga. Fyrstu nóttina lagðist Baddi upp í rúmið sitt. Hann sofnaði samstundis. Stuttu seinna varð sprenging í miðbænum. Fólk hljóp um algerlega kolvitlaust. Út úr sprengingunni stökk svört vera og byrjaði að slátra fólki. Veran lenti og reif haus af manni. Hann stakk hendinni inn í magann á einum manni og dró magann út. Svona hélt þetta lengi áfram þangað til það fór að birta. Þá skaust veran burt. Einum klukkutíma síðar vaknaði Baddi. Hann var allur grútskítugur og allur út í einhverjum svörtum lufsum. ,,Hvað í ósköpunum gekk á í nótt eiginlega?,, hugsaði Baddi undrandi. Baddi fór framúr rúminu sínu og leit út um gluggann. Svartur reykjarmökkur lá upp úr miðbænum. Baddi fór niður í matsal. Baddi var strax búinn að eignast vin á spítalanum. Hann settist við hliðina á honum og þeir byrjuðu að tala saman. ,,Mig dreymdi mjög furðulegan draum í nótt!,, byrjaði Baddi strax. ,,Mig dreymdi að ég sprengdi upp miðbæinn og drap fullt af fólki, og ég var allur svartur!,,. ,,Jahá!,, sagði vinur Badda. Það var ekki annað sagt að þessu sinni því að Baddi var búinn að klára matinn sinn. Baddi fór með diskinn sinn og setti ofan í fötu sem óhreinu diskarnir voru geymdir.

 

Baddi gekk aftur upp í herbergið sitt, og fór að spila PlayStation 2 tölvuna sem var þar inni. Baddi spilaði hana til kvölds, og fór síðan að sofa. Um nóttina kom svört vera út úr skugga við spítalann. Veran byrjaði að slátra fólki sem var þar fyrir neðan spítalann. Veran notaði einhvern mátt til þess að skjóta einhverjum svörtum og slímkenndum vef í mennina, og dró þá til sín. Veran reif hausa af og reif út innyfli þangað til að það fór að birta. Veran fór burt. Baddi vaknaði skömmu síðar. Hann fór niður og fékk sér að éta. Í leiðinni sagði hann vini sínum frá draumnum. ,,Mig dreymdi aftur að ég var allur svartur og var að slátra fólki, en í þetta sinn var ég fyrir neðan spítalann,, Vinur hans hlustaði af athygli. Baddi kláraði matinn sinn og fór upp í herbergið sitt. Hann stakk hausnum út um gluggann til að fá ferskt loft. Hann heyrði öskur niðri. Baddi sá fullt af dauðu fólki, flestir voru útataðir í einhverju svörtu slímkenndu efni. Eiginlega allir voru hauslausir og magar láu út um allt. ,,Það getur ekki verið!,, sagði Baddi við sjálfan sig. Baddi var skíthræddur og ákvað að vaka um nóttina til að athuga hvað gerðist. Þegar klukkan sló á miðnætti byrjaði Baddi að finna rosalegan sársauka í vinstri hendinni. Baddi öskraði og leit á hendina. Fingurgómarnir byrjuðu að litast svartir. Svarti liturinn fór sér hægt yfir, en að lokum var Baddi orðinn allur svartur. Skyndilega kipptist Baddi allur til og féll niður á hnén og krepptist allur saman. Þegar hann leit upp voru augun rauð. Skyndilega byrjaði Baddi að stökkbreytast.

 

Hann byrjaði að stækka og varð 5 metrar á hæð. Hann varð líka massaðri og massaðri. Að lokum var hann orðinn eins og skrýmsli. Hann stökk út um gluggann og lenti á götunni. Það komu sprungur í götuna og jörðin hristist. Baddi horfði niður. Skyndilega lyfti hann höndunum og leit upp og rak upp tryllinslegan hlátur. Baddi hoppaði upp á næsta húsþak og stökk á milli húsa. Hann var í leit að bráð. Baddi fann einn mann sem var að ganga sallarólegur. Baddi stökk niður og lenti fyrir framan hann. Maðurinn öskraði. Baddi hló tryllingslega. Skyndilega kom Jósafat fljúgandi og greip manninn. Jósafat flaug með hann burt. Baddi hoppaði á eftir honum. Baddi var alveg að ná honum. Baddi hoppaði af öllum krafti og greip í löppina á Jósafat og sveiflaði honum í hringi. Að lokum missti hann manninn. Baddi hélt á Jósafat í annarri hendi og greip manninn með hinni. Baddi setti manninn upp á húsþak og barði Jósafat í húsveggi. Baddi fór að sveifla honum í hringi aftur. Baddi sleppti honum að lokum og Jósafat skall á húsvegg og datt niður. Baddi tók manninn af húsþakinu og fór burt. Baddi setti manninn niður á götu og  tók bíl og kramdi hann. Jósafat kom fljúgandi og kýldi Badda í magann, en Baddi fann ekki fyrir því. Jósafat lenti á götunni og rembdist við að lyfta bíl. Að lokum náði hann því og kastaði í Badda. baddi greip bílinn og fleygði á húsvegg. Bíllinn braut vegginn niður og skaust inn í húsið. Baddi hló og kýldi Jósafat. Jósafat skaust á næsta hús og rotaðist.

 

Baddi gekk að Jósafat og tók hann upp og hoppaði burt. Baddi kastaði Jósafat ofan í ræsi og fór burt. Hann slátraði fullt af fólki og lagði 10 hús í rúst. Baddi hoppaði upp á hæsta húsið í bænum og hló brjálæðislega. Allir borgarbúarnir heyrðu hláturinn og urðu hræddir. Baddi hljóp um götur og kastaði bílum og kramdi fólk og rústaði hús. Því meiri illskuverk sem hann gerði, því máttugra varð skrýmslið. Baddi greip einn mann og beit af honum hausinn og kastaði líkinu inn um glugga hjá gamalli konu. Baddi hélt áfram þessum berserksgangi sínum þangað til fór að birta. Hann hoppaði í hættulegasta húsasundið í borginni. Baddi byrjaði að breytast. Hann byrjaði að minnka, augun urðu venjuleg aftur og svarti liturinn fór hægt af. Baddi varð alltaf skapstærri eftir því sem hann breyttist oftar í skrýmslið. Hann var orðinn alveg venjulegur aftur, en hann var mun masssaðri en áður. Eins og fyrr var sagt, var þetta hættulegasta húsasund borgarinnar. Skyndilega komu 10 stórir þrjótar út úr skuggunum. Baddi stóð í miðju húsasundinu lafmóður. Hann horfði bara niður. Höfuðpaurinn gekk til Badda og tók hann hálstaki. ,,Láttu mig hafa veskið þitt og allar dýrmætar eigur þínar! NÚNA!,,. Baddi gerði ekki neitt. Höfuðpaurinn sleppti hálsinum á Badda og kastaði honum í jörðina og sparkaði í hann. ,,Ráðist á hann að vild strákar,, sagði höfuðpaurinn við hina. Þeir tóku allir upp keðjur og kúbein og fóru allir að honum og byrjuðu að berja. Höfuðpaurinn fylgdist bara með. Hann sá ekki badda því að þrjótarnir voru allir fyrir.

 

Skyndilega heyrði hann reiðiöskur og allir þrjótarnir skutust í allar áttir. Höfuðpaurinn beygði sig og leit á Badda sem lá á hnjánum. Rauður glampi var yfir augunum á honum og húðin var orðin ljósgrá. Neglurnar á honum voru dökkgráar og langar og beittar. Höfuðpaurinn var skíthræddur. Baddi stóð upp og gekk til höfuðpaursins. Hann tók utan um hálsinn á honum og lyfti honum upp. Hann kastaði honum í húsvegginn, og hann brotnaði og höfuðpaurinn skaust inn. Þrjótarnir stóðu upp og bökkuðu allir. Einn þeirra kastaði kúbeini í hann. Húðin á Badda varð dekkri og augun urðu alveg rauð. Baddi varð máttugri og máttugri. Hann lyfti höndunum upp í loftið. Skýin sem voru á himninum urðu dökk-dökkgrá og söfnuðust öll saman fyrir ofan Badda. Eldingar skutust í hendurnar á Badda, og gerðu hendurnar rafmagnaðar. Eldblossar byrjuðu að skjótast niður í hendurnar á honum líka. Baddi notaði þennan ógnarmátt til þess að skjóta eldboltum sem voru umvafðir eldingum í þrjótana. Þrjótarnir brunnu allir. Að lokum stóð Baddi einn í húsasundinu ásamt 10 líkjum. Augun urðu eðlileg aftur og og húðin varð eðlileg líka. Neglurnar urðu venjulegar á litinn og voru ekki oddhvassar lengur. Baddi gekk út úr húsasundinu og fór ekki á spítalann, heldur bara einhvert. Baddi settist niður upp við húsvegg og ætlaði að hvíla sig. Skyndilega komu 20 mestu krimmar borgarinnar gangandi og gripu Badda og drógu hann inn í húsasund.

 

Þeir umkringdu hann og skipuðu honum að láta af hendi alla verðmæta hluti. Baddi neitaði því. Höfuðpaurinn skipaði þeim stærsta og sterkasta af þeim að drepa hann. Krimminn kom og ætlaði að kýla hann. Skyndilega varð húðin dökkgrá og neglurnar langar, augun rauð og Baddi kýldi manninn. Baddi varð eðlilegur um leið og hann var búinn að kýla krimmann. Krimminn negldist á húsvegg og veggurinn brotnaði og krimminn skaust inn. Krimmarnir urðu hræddir við Badda. ,,Hvað ertu eiginlega?,, spurði höfuðpaurinn skíthræddur. ,,Ég er ykkar versta martröð,, svaraði Baddi og breyttist aftur. Hann drap þá alla. Baddi breyttist aftur yfir í venjulegann. Hann datt niður á hnén. ,,Hvað er ég orðinn,, sagði Baddi lágt við sjálfan sig. Baddi stóð upp. Baddi uppgötvaði það að hann gat breytt sér þegar hann vildi. Það komu einhverjir krimmar inn í húsasundið með fórnarlamb. Þeir litu á Badda. Baddi var  ber að ofan og í tættum buxum, og leit helst út fyrir að vera róni. Annar krimminn sagði við hinn: ,,stútaðu rónanum,,. Krimminn hló og gekk til Badda. Baddi breytti sér og reif hausinn af honum og kastaði líkinu upp á húsþak. Hinn krimminn hljóp burt. Baddi skaut svarta slímkennda vefnum á hann og dró hann til sín. Hann drap hann, en leyfði fórnarlambi krimmanna að fara. Baddi breytti sér yfir í venjulegan aftur. Baddi sá Jósafat koma á mótorhjóli á fleygiferð framhjá. Baddi elti hann. Hann keyrði mjög lengi og þegar hann kom á áfangastaðinn var hann kominn langt út fyrir borgina. Hann stoppaði og stóð bara við veginn. Baddi lá í felum og njósnaði. Skyndilega kom geimskip. Það lenti rétt hjá Jósafat og út kom geimveruhermaður. Jósafat fór úr jakkanum sínum og tók í einhvern rennilás sem var húðinni á bakinu á honum. Hann renndi niður og úr þessum búning kom geimvera. ,,Sæll vertu Jósafat hershöfðingi!,, sagði geimveruhermaðurinn. ,,Ég kom með liðið þitt! Við erum tilbúnir í að leggja undir okkur jörðina!,, ,,Gott!,, svaraði Jósafat. ,,Ég verð að stoppa þetta illskuplan!,, hugsaði Baddi. Hann stökk fram. ,,Baddi!,, öskraði Jósafat. ,,Þú stoppar mig ekki!,, sagði Jósafat. Baddi breytti sér og réðst á Jósafat. Jósafat kýldi Badda. Baddi skaust 3 metra afturábak. ,,Farðu með liðið mitt á öruggan stað og leyfðu þeim að undirbúa sig undir stríð,, sagði Jósafat við geimveruna. ,,Hvað um þig herra?,, spurði geimveran. ,,Ég verð hér og bind enda á skrýmslið sem er innra með Badda,, sagði Jósafat. Geimveran fór í geimskipið flaug burt. Jósafat snéri sér að Badda. Jósafat gerði stóran eldhring í kringum þá. Hann var 10 metra hár. Baddi gapti og leit á mikilfenglegan eldvegginn. ,,Komdu hérna! Ljúkum þessu!,, sagði Jósafat. Baddi leit á hann. Baddi hnipraði sig saman og öskraði. Húðin byrjaði að litast svört og augun urðu rauð. Neglurnar urðu tíu sentímetrar að lengd, og allar jafnbeittar og hnífur. Baddi varð rosalega massaður og gæti lyft flugvél. Jósafat hló og breyttist sjálfur. Hann varð dökkrauður og 5 metrar á hæð og Baddi hafði aldrei séð jafnstóra vöðva, og augun voru kolsvört með rauðum augnsteinum. Það birtist stór stafur í hendinni á honum. Jósafat hló mikið og tryllingslega.

Verður Baddi drepinn? Ná geimverurnar heimsyfirráðum? Verður Jósafat stoppaður?

Jæja, takk fyrir að lesa þetta ógnarblogg